Google Ulybrıtanııaǵa 5 mlrd fýnt sterlıng ınvestıtsııa salady

ASTANA. KAZINFORM – Amerıkalyq kompanııa London mańynda derekter óńdeý ortalyǵyn turǵyzady, dep habarlaıdy Anadoly. 

AQSh prezıdenti Donald Tramptyń Ulybrıtanııaǵa resmı saparynyń qarsańynda Google bul elge 5 mıllıard fýnt sterlıng ınvestıtsııa salý josparyn jarııalady.

Kompanııanyń málimdeýinshe, amerıkalyq korporatsııa Londonnyń mańynda jasandy ıntellekt qyzmetterine, atap aıtqanda Google Cloud-qa degen ósip kele jatqan suranysty qanaǵattandyrý úshin derekterdi óńdeý ortalyǵyn salmaq.

Google-dyń jalpy quny 5 mıllıard fýnt sterlıng bolatyn ınvestıtsııalary aldaǵy eki jyl ishinde ınfraqurylymdy jáne ǵylymı zertteýlerdi damytýǵa baǵyttalmaq.

Bul ınvestıtsııalar arqyly Ulybrıtanııada jyl saıyn 8 250 jumys ornyn qurylady dep kútilip otyr.

Sonymen qatar Google Ulybrıtanııada energetıkalyq júıeniń turaqtylyǵyn qamtamasyz etý jáne energetıkalyq aýysymdy qoldaý maqsatynda Shell kompanııasymen kelisim jasaǵanyn habarlady.

AQSh prezıdenti Donald Tramp 16 qyrkúıekte Ulybrıtanııaǵa barady. Sapar barysynda 10 mıllıard dollardan astam somaǵa ekonomıkalyq kelisimder jasalady dep josparlanyp otyr.

Aıta ketelik Tramp Google-di qorǵap, Eýroodaqqa jaýapty sharalar qoldanatynyn málimdedi.