Google Translate júıesine qazaq tili jyl sońyna deıin qosylmaq
Toqtala ketetin jaıt, atalǵan jobanyń iske qosylǵanyna eki jyldan astam ýaqyt ótken. Bastamashylar toby «WikiBilim» qory jobaǵa janashyr bolatyn, qazaq jáne aǵylshyn tilin biletin qaýymdastyq qurýǵa, sonyń kómegine súıenýge tyrysqan edi. «Jalpy, «WikiBilim» qory ınternettegi qazaq tildi kontentti damytýmen aınalysady. Bul rette álemde keńinen qoldanylatyn «Google-aýdarmashy» júıesinde qazaq tiliniń de bolýy biz úshin óte mańyzdy dep sanaımyz. Bir jaǵynan, bul qazaq tilin meńgerip júrgen ortaǵa kómekshi qural, ekinshi jaǵynan túrli mátinder jazatyn mamandarǵa, sonyń ishinde tilshilerge, ǵylymǵa kóp kómek bolady dep senemiz. Óıtkeni, «Google-aýdarmashy» sııaqty qyzmet tek jekelegen sózder, sóz tirkesterin ǵana emes, úlken mátinderdi, sonyń ishinde tolyqtaı veb-paraqtardy aýdarýǵa múmkindik beredi», - deıdi Qordyń jetekshisi Raýan Kenjehanuly.
Onyń sózine qaraǵanda, búginde kún saıyn álemde «Google-aýdarmashy» qyzmetin 200 mln. adam paıdalanady. ıAǵnı, eki tildi qatar qoldanatyn qoǵamda nemese ortada tolyqtaı osy júıe paıdalanylyp otyr degen sóz.
«Osy bastamany qolǵa alǵan kezde Google-men baılanysqa shyqtyq, olar bul jumysty ózderi jasaı almaıtyndyǵyn aıtyp, biraq platformanyń jańa tildi qabyldaýǵa daıyn ekenin jetkizgen edi. Biraq bul úshin sol tilde sóıleıtin ortanyń ózi júıeni aǵylshyn jáne qazaq tilderindegi óte kóp, qatesiz aýdarma materıaldarmen qamtamasyz etý kerek bolatyn. Sonyń negizinde Google-dyń aýdarma júıesi qazaq tilin ıgerip alyp kete alady. Bul jumystyń bári birinshi kezeńi atqaryldy», - deıdi Raýan Kenjehanuly. Onyń aıtýynsha, endigi kúni jobanyń ekinshi kezeńine kirisý qajet. Bul rette «Google» qazaq jáne aǵylshyn tilinde jasalǵan aýdarmalardy baǵalaý kerektigin alǵa tartqan.
«Osyǵan oraı, «Bılaın Qazaqstan» kompanııasynyń kómegimen tilshi mamandar aralasyp, aýdarma sapasyn bir ret baǵalap shyqtyq. Endi jaqyn arada «Google» komandasy aýdarmalardy taǵy bir ret qarap, olardy bekitý kerektigin aıtyp otyr. Soǵan oraı, búgingi múmkindikti paıdalanyp, tilge janashyr qaýymdastyqqa taǵy bir márte ótinish aıtqymyz kelip otyr. Olardy osy júıege kirip, aýdarmaǵa baǵa berip, durys bolsa ony quptap, kemshilikter ketip jatsa, ony túzetýge ýaqyt tapsa dep ótinemiz. Qosymsha aýdarma jasaý arqyly osy júıeni tezirek iske qosýǵa atsalysýǵa shaqyramyz», - dedi R.Kenjehanuly.
Osyǵan oraı, til janashyrlary http://translate.google.kz/community siltemesi arqyly «Google Translate + Kazakh» jobasyndaǵy aýdarmaǵa óz úlesin qosa alady. Tutastaı alǵanda joba jemisti júrgizilse qazaq tili Google Translate júıesine 2014 jyldyń sońyna deıin qosylmaq.
