Google+ tikeleı efırinde 30 saǵat boıy «Anna Karenına» romany oqylady

ASTANA. QazAqparat - Qazan aıynda álem boıynsha «Anna Karenına oqýlary» halyqaralyq aktsııasy ótedi. «ıAsnaıa Polıana» mýzeıi men Google kompanııasynyń birlesýimen ótkizilgeli jatqan shara álem boıynsha orys klassıkasyn súıetin jandardyń basyn qosýdy maqsat etedi.

Joba naǵyz oqý marafony bolmaq. Onyń aıasynda alǵash ret álem boıynsha ár qaladan Google+ tikeleı efırinde 700 adam 30 saǵat boıy Lev Tolstoıdyń «Anna Karenına» romanyn oqıdy. Olardyń ishinde teatr jáne kıno akterleri, jýrnalıster, mýzykanttar, Lev Tolstoıdyń urpaqtary, sýretshiler, ǵalymdar, tanymal vıdeoblogerler jáne qarapaıym ınternet qoldanýshylary bolmaq. «Úıde Lev Tolstoıdyń ózi, balalary men áıeli jınalyp, daýystap kitap oqyp otyrǵan sýreti saqtalǵan. XXI ǵasyrda da osylaı jınalyp, kitapty oqı otyryp birge áserlenip, keıipkerler úshin birge qam jep otyrǵyń keledi. Alaıda qazirgi ýaqytta seniń oqyp otyrǵan mátinińdi bireý jalǵastyryp ketýi úshin mindetti túrde barlyǵymyz bir jerde jınalyp otyrýymyz shart emes. Internettiń jańa tehnıkalyq múmkindikteriniń arqasynda ony álemniń basqa bóligindegi adam da jalǵastyryp kete alady. Álemniń tamasha týyndylarynyń qataryna kiretin «Anna Karenına» kez-kelgen adamnyń jan-dúnıesinen óz ornyn alatynyna senimdimin», - deıdi Lev Tolstoıdyń shópshegi ári «Anna Karenına oqýlarynyń» uıymdastyrýshysy Fekla Tolstaıa. Bul oqýlar 3-4 qazanda Máskeý, Sankt-Peterbor, ıAsnaıa Polıana, Vladıvostok, Novosibir, Nıý-Iork, Parıj, London syndy qalalardyń kitaphanalarynda arnaıy daıyndalǵan alańdarda ótedi. Oqýlar YouTube beıne portaly arqyly onlaın kórsetiletin bolady. Al aldaǵy ýaqytta barlyq vıdeolar jınaqtalyp, atalmysh saıtqa júkteledi, dep habarlaıdy Ádebıet portaly.