Google Street View budan bylaı Qazaqstanda da qoljetimdi - mınıstr

Google keńsesiniń qyzmetkerleri Qazaqstanǵa keldi. Olar Qazaqstan naryǵyna qyzyǵýshylyq tanytyp, qala ınfraqurylymyn damytýdyń jańa quraldaryn usyndy.

Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málimdedi.

«Google Street View Qazaqstan tabıǵaty men mádenıetiniń tańǵajaıyp alýan túrliligin vırtýaldy zertteýge múmkindik beredi.

Bul eleýli oqıǵa el turǵyndary men qonaqtarǵa úılerinen shyqpaı-aq Qazaqstannyń baı mádenı murasy men ómirin zerttep bilýge jol ashady», — dep jazdy mınıstr.

Resýrsqa qol jetkizý úshin kompıýterden Google kartasyndaǵy Street View sary túımesin basyńyz nemese mobıldi qurylǵyda 360 gradýstyq túsirilimdi tańdańyz.

«Negizgi qalalar men tarıhı mańyzdy oryndardyń aınalasyndaǵy marshrýttardyń jańartylǵan kórinisi týrızmniń ǵana emes, sonymen birge eldiń ekonomıkalyq damýyna da yqpal etedi. Biz bul múmkindikti usynýǵa qýanyshtymyz jáne Qazaqstandaǵy Google Street View el ishinde de, odan tys jerlerde de týrıster aǵynyna yqpal etedi dep úmittenemiz», — dedi Baǵdat Mýsın.