Google Pýerto-Rıkoǵa ınternet jelisine qosylýǵa múmkindik beretin áýe sharlaryn jiberdi
ASTANA. QazAqparat - Amerıkalyq Google korporatsııasy Pýerto-Rıko memleketiniń turǵyndaryna áýe sharlary arqyly symsyz ınternet jelisine qosylý múmkindigin usyndy.
Óıtkeni bul elge taıaýda bolǵan alapat daýyl aıtarlyqtaı shyǵyn keltirgen bolatyn, dep habarlaıdy TASS.
Google málimetinshe, ázirge jerden 18 myń metr bıiktikke ornalastyrylyp, arnaıy qurylǵylarmen jabdyqtalǵan birneshe shar Wi-Fi-baılanysyna qosylýǵa múmkindik beredi. Olar kún energııasymen jumys isteıdi, sol sebepti dabyl táýliktiń jaryq kezinde ǵana beriledi.
Aıta keteıik, buǵan deıin Pýerto-Rıkony basyp ótken «Irma» daýyly onsyz da ekonomıkalyq daǵdarysty bastan ótkerip jatqan memlekettiń ınfraqurylymyna aıtarlyqtaı shyǵyn ákeldi.
