Google Play jyldyń úzdik qosymshalaryn anyqtady
Kompanııa jyldyń eń úzdik servısterin anyqtady. Jeńimpazdar «Oıyn-saýyq», «Ózińdi damytý», «Taptyrmas dúnıeler», «Kúndelikti qoldanatyn qosymshalar» sekildi tórt atalym boıynsha irikteldi.
Kóńil kóteretin oıyn-saýyqtyq qosymsha atalymynda Vimage úzdik boldy. Ol «sınemagraf», ıaǵnı elementteri qozǵalyp turatyn sýret jasaýǵa paıdalanylady. Qoldanýshylar onyń kómegimen sýretke jaýyp turǵan qardy, tútindi nemese basqa da túrli qubylystardy qosa alady.
«Jyldyń taptyrmas dúnıesi» atalymyn Slowly ıelendi. Ol habarlama jazatyn dostar taýyp, olarǵa habarlama emes, kádimgi hat jazýǵa múmkindik beredi. Onyń messenjer men elektrondy poshtadan aıyrmashylyǵy - hat joldaýǵa biraz ýaqyt ketedi, sondaı-aq qosymshada marka jınaýǵa bolady.
Al ózińdi jan-jaqty damytýǵa eń qolaıly dúnıe Mimo bolyp shyqty. Bul bilim alýǵa arnalǵan servıs. Onyń kómegimen baǵdarlamalaýdy úırenip, qosymshalar men saıt jasaı alasyń. Mimo Python, Kotlin, Swift, HTML, CSS, JavaScript, SQL, PHP, Java, C#, C++, Ruby, Git jáne ózge de baǵdarlamalaý tilderin úıretýge kúsh salady.
Al kúndelikti qoldanylatyn eń úzdik qosymsha - Tasty. Onda ártúrli taǵamdardy ázirleýdi qadam-qadam boıynsha jáne vıdeosabaq arqyly kórsetip turatyn kómekshi aspaz bar.
