Google planshetiniń jaı-japsaryn básekelester úreılene kútýde
ASTANA. 27 aqpan. QazAqparat - Google-niń fırmalyq 7-dıýımdi plansheti týraly jańa aqparat paıda boldy, dep habarlady RBK.
Derekkózdiń aıtýynsha, qondyrǵy óndirisiniń sáýirde bastalýy josparlanyp otyr, onyń alǵashqy partııasy 1,5-2 mln. dana bolmaq. Android-te planshet óndirýshiler básekelestiń paıda bolýyn abyrjyp kútýde.
2012 jyly Google óz brendimen alǵashqy planshetin shyǵarmaq. Ol 7-dıýımdi dıspleı bolmaq, dep habarlady Cnet DisplaySearch taldamashysy Rıchard Shımge silteme jasap.
Google fırmalyq planshetin shyǵarady eken degen aqparat naryqta birazdan beri áńgime bolyp júr. DigiTimes basylymy ındýstrııadaǵy derekkózge silteme jasap, Acer, Asustek, Lenovo jáne basqa da óndirýshiler Google-diń fırmalyq plansheti ózderiniń planshettik qondyrǵylaryn satýǵa kesirin tıgizýi múmkin dep alańdaýly ekenin habarlady.
