«Google» óziniń «aqyldy» kózildirikterin jappaı satylymǵa shyǵardy
ASTANA. QazAqparat - «Google» kompanııasy óziniń «Glass» kózildirikterin satyp alýǵa nıetti barlyq adamdar úshin jappaı satylymdy uıymdastyrmaq. Buǵan deıin bul kózáınekter satyp alý quqyǵyna ıe tek testerler úshin ǵana qoljetimdi bolǵan edi.
Bul shara 15 sáýirde ótedi jáne ol tek bir kúnge ǵana jalǵaspaq. Osy kúni «Google» kompanııasynyń aqyldy qurylǵysyn alýǵa nıettilerge kózildirikti satylyp alý múmkindigi bolady. Aktsııa tek AQSh azamattaryna ǵana taralady, osyǵan baılanysty kompanııa bul shekteýge baılanysty keshirim surap otyr, dep jazady sheteldik BAQ. Atap aıtqanda, kózildiriktiń quny 1,5 myń dollarǵa baǵalananyp otyr, al olardyń sany shekteýli. Sarapshylardyń paıymynsha, «Google» qoımada qalyp qoıǵan qurylǵylardy ótkizip tastaýǵa nıettenip otyr. Jaqyn arada kompanııa «Google Glass» kózáınekteriniń jańa nusqasyn usynýy múmkin. Bul qurylǵy joǵary sapaly fotosýretterdi túsirip, beıne jazbalardy jáne basqa da qyzmetterdi júzege asyra alady.
