Google óz júıesindegi qazaq tildi aýdarma sapasyn testileýdi bastady
ASTANA. 20 tamyz. QazAqparat - Jaqynda Google kompanııasy arnaıy testileý bólimin quryp, qazaq jáne aǵylshyn tilderin biletin qoldanýshylardan Google Translate komandasyna qazaq tilin júıege qosý maqsatynda kómek kórsetýlerin surady. Bul týraly "WikiBilim" qoǵamdyq qorynan habarlady.
Google Translate-ke qazaq tilin qosý jobasynyń bastamashysy retinde "WikiBilim" qoǵamdyq qory ana tiliniń janashyrlaryn Googl-diń aýdarma nusqalaryna belsendi túrde baǵa berýge shaqyrady.
«Sizge qalaýyńyz boıynsha qazaq tilinen aǵylshyn tiline nemese kerisinshe baǵytta jasalǵan qysqa sóılemderdiń aýdarmasyna baǵa berý usynylady. «Óte jaqsy», «Jaqsy», «Qanaǵattandyrarlyq» nemese «Nashar» degen belgilerdi basý arqyly usynylǵan aýdarmalarǵa baǵa bere alasyz. Bir sóılemge baǵa berý bir mınýttan artyq ýaqyt almaıdy. Múmkindiginshe kóp sóılemniń aýdarmasyna baǵa berýge tyrysyńyz. Bul qazaq tilin júıege tez qosýǵa jáne aýdarma sapasyn jaqsartýǵa kómektesedi», - delingen habarlamada.
Google Translate-ke qazaq tilin qosý - ınternettegi qazaq tilindegi mazmundy damytýǵa baǵyttalǵan mańyzdy jobalardyń biri.
