Google mıllıondaǵan paıdalanýshynyń izdeý derekterin joıýǵa kelisti

ASTANA. KAZINFORM – Google Chrome 136 mıllıonnan astam AQSh turǵyndarynyń izdeý derekteri bar málimet jınaǵyn joıýǵa kelisti. Bul týraly Associated Press habarlady. 

Óıtkeni, 2020 jyldyń maýsymynda Google-ǵa qarsy is qozǵalǵan. 2023 jyldyń jeltoqsan aıynyń sońynda korporatsııa men advokattar sot isin sheshýge kómektesetin bir bitimge kelgenderin jarııalaǵan.

Talapkerler Google-dy paıdalanýshylardyń ınternettegi belsendiligin olar ınkognıto rejıminde bolǵan kezde de baqylaýdy jalǵastyrdy dep aıyptady.

Google derekter ortalyqtarynan mıllıardtaǵan izdeý derekterin joıýmen qatar, ınkognıto rejımin paıdalanǵan kezde paıdalanýshylarǵa qoljetimdi qupııalylyq deńgeıin de naqty habarlaýy kerek.

Kelisim, sonymen qatar, kompanııanyń jeke derekterdi jınaýyn shekteýge arnalǵan basqa da baqylaýlardy qamtıdy. Bul jaǵdaıda qoldanýshylardan eshqandaı qosymsha tólem alynbaıdy.