Google Maps fýtboldan Álem chempıonatyna arnap jańa qyzmetti iske qosty
ASTANA. QazAqparat - Google Maps Brazılııadaǵy fýtboldan Álem chempıonatyna arnap jańa qyzmetti iske qosty. Endi osy qosymsha arqyly birinshiliktiń matchtary ótetin stadıondarǵa vırtýaldy saıahat jasaýdyń múmkindigi týdy.
Kez kelgen adam stadıon men onyń mańyndaǵy nysandarmen keńinen tanysa alady, sonymen birge birinshilik oıyndary ótetin qalalardyń kórikti jerlerin tamashalaýǵa bolady. Osylaısha, 2005 jyly qurylǵan Google Maps aqysyz kartografııalyq qyzmet pen tehnologııalar negizinde jasaqtalǵan qosymshalar toptamasyn usynady. Aıta keteıik, fýtboldan Álem chempıonaty 12 maýsym men 13 shilde aralyǵynda Brazılııanyń 12 qalasynda ótedi. Dúbirli dodany Rıo-de-Janeıro, Resıfı, Salvador, San-Paýlý, Portý-Alegrı, Manaýs, Fortaleze, Natal, Belý-Orızontı, Brazılıa, Kýıaba jáne Kýrıtıbe qalalary qabyldaıdy.
