Google Maps fotosýreti Ispanııadaǵy kisi óltirý qylmysyn ashýǵa kómektesti
ASTANA. KAZINFORM - Ispanııanyń Sorııa provıntsııasynda polıtseıler kýbalyq azamattyń joǵalyp ketýine qatysy bar degen kúdikpen eki adamdy ustady, dep jazady Euronews.
Tergeý barysynda agentter Google Maps servısinen alynǵan fotosýretti dálel retinde paıdalanǵan. Onda áldekimniń kóliginiń júksalǵyshyna adamǵa uqsas júk tıegeni kórsetilgen. Sýret shaǵyn halqy bar Tahýeko mýnıtsıpalıtetinde túsirilgen.
Ustalǵandar jábirlenýshiniń seriktesi jáne onyń burynǵy súıiktisi bolǵan áıel. Olar 12 qarashada ustaldy.
Er adamdy týysynyń ótken jyldyń 23 qarashasynda joǵalyp ketkenin habarlaǵan. Ol iz-túzsiz joǵalǵan týysynyń atynan habarlama alyp turǵan, bul onyń kúdigin týdyrdy.
Tergeý barysynda iz-túzsiz joǵalǵan er adamǵa uqsaıtyn adamnyń máıiti tabyldy. Ol Sorııa provıntsııasyndaǵy Sentenera de Andalýs mýnıtsıpalıtetindegi zırattan, jerastynan tabylǵan. Bul úshin zamanaýı tehnıkalyq quraldar qajet boldy, deıdi Ulttyq polıtsııa ókilderi.
Osyǵan deıin Almatyda beınebaqylaý júıesiniń arqasynda qylmys azaıǵany týraly habarladyq.