Google qyzmetkerleri jibergen qatelikten jarty Japonııa ınternetsiz qaldy
ASTANA. QazAqparat - Ótken jumada Japonııa Google tarapynan jiberilgen qatelikke tap boldy. Túzetý jumystary jarty Japonııanyń ınternetsiz qalýyna ákeldi, dep habarlaıdy thenextweb.com .
Google qyzmetkerleri japondyq provaıderlerdiń IP-meken-jaılaryn durys belgilemegen. Sonyń saldarynan japon paıdalanýshylaryna kelýge tıis bolǵan trafık Google serverlerine aýdarylǵan.
Tehnıkalyq kiltıpan bir saǵattyń ishinde joıyldy, alaıda ınternet jelisiniń iske qosylmaı qalǵandyǵynan qıyndyq týyndaǵany sonshalyq, japondyqtardyń ınternetke qatysty barlyq salalaryna: bank, úkimet portaldary jáne onlaın-dúkender men áleýmettik jelilerdiń jumysyna kesirin tıgizdi. Atalǵan máselege baılanysty Japonııa ІІM-i tekserý jumystaryn bastady.
