Google korporatsııasy Huawei kompanııasynyń Android-ty qoldanýyna shekteý engizdi
NЬıÝ-IORK. QazAqparat - Reuters - AQSh úkimeti Huawei kompanııasyn qara tizimge engizý týraly sheshim qabyldaǵannan keıin Google kompanııasy atalmysh kásiporynmen bıznes-baılanystaryn úzdi. Bul týraly QazAqparat Reuters agenttigine silteme jasap habarlaıdy.
Google kompanııasynyń resmı ókiliniń aıtýynsha, bul sheshimniń Huawei buǵan deıin satqan smartfondaryna qatysy joq. Olar burynǵydaı Google qosymshalaryn júktep, olardy udaıy jańarta alady.
«Biz buıryqqa sáıkes áreket etip, onyń saldaryn zerdelep jatyrmyz. Google Play qosymshasy Google Play Protect qorǵanysy qoldanystaǵy Huawei qurylǵylarynda jumys isteı beredi» - deıdi resmı ókil.
Mundaı qadam Huawei kompanııasyna Qytaı aýmaǵynan tys jerlerde smartfon óndirý bıznesine kedergi keltirýi múmkin.
«Huawei-diń aldaǵy ýaqytta shyǵatyn Android-ta jumys isteıtin smartfondary Google Play Store, Gmail jáne YouTube sııaqty tanymal resýrstaryn asha almaıdy. Huawei úshin Android-tiń tek jalpyǵa arnalǵan júktemeleri ǵana qoljetimdi bolady», delingen Reuters aqparatynda.
Eske sala ketsek, 16 mamyrda AQSh Prezıdentiniń ákimshiligi Huawei Technologies Co Ltd kompanııasyn qara tizimge kirgizgen bolatyn.
