Google koronavırýs týraly jalǵan aqparat taratqan saıttardyń jarnamasyn buǵattaıdy
NUR-SULTAN. QazAqparat – Amerıkanyń Google korporatsııasy jańa koronavırýsqa qatysty rastalmaǵan aqparatty taratyp júrgender saıttardyń jarnamasyn buǵattaıdy. Bul týraly QazAqparat Bloomberg jańalyqtar agenttigine silteme jasap habarlaıdy.
Onyń málimetinshe, kompanııada adamdar úshin qaýipti, jalǵan medıtsınalyq teorııalardy keltiretin resýrstar jarnamasyn buǵattaıtyn arnaıy saıasat iske qosylǵan. Osylaısha, pandemııa kezinde Google osyndaı aqparat taratqan 200 mln-nan astam jarnamany anyqtap, buǵattady.
Alaıda Google basshylyǵy koronavırýs týraly rastalmaǵan aqparatty taratyp júrgen resýrstar jarnamasynan túsken shyǵynnyń jyl sońyna qaraı 19 mln dollardy quraı alatynyn esepke ala otyryp, qosymsha sharalar qabyldaýdy sheshti. Osyǵan baılanysty, tamyz aıynan bastap, COVID-19 vırýsyna baılanysty konspırologııalyq teorııalarǵa arnalǵan resýrstarǵa erekshe kóńil bólinetin bolady.
Olardyń qataryna, mysaly, amerıkandyq tehnologııalyq korporatsııasynyń negizin qalaýshy Bıll Geıtstiń koronavırýsqa qarsy vaktsına túrinde adamdarǵa mıkrochıpterdi endirý týraly aqparat jatqyzylady. Jazdyń basynda ol bul joramaldy «óte aqymaq jáne birtúrli» dep ataǵan. Google-de buǵattalatyn jarnamalyq sıpattaǵy aqparat avtomattyq rejımde, sondaı-aq kompanııa qyzmetkerleri tarapynan baqylanady.
