Google kompanııasy jasaǵan ózin ózi basqaratyn avtomobıl jol apatyna ushyrady
ASTANA. QazAqparat - Google kompanııasy jasaǵan ózin ózi basqaratyn avtomobıl synaq kezinde alǵash ret jol apatyna uryndy, dep habarlaıdy Bı-Bı-Sı agenttigi.
Kompanııanyń habarlaýynsha, mashına synaq kezinde júrip kele jatyp avtobýsqa soǵylǵan. Oqıǵa saldarynan eshkim zardap shekpedi. Kóliktiń aldyńǵy jaǵy maıysyp, qozǵalysyn baqylaıtyn elektrondyq qurylǵysy isten shyqty.
Synaq kezindegi málimetterge júginsek apat kezinde kólik saǵatyna úsh shaqyrym jyldamdyqpen kele jatsa, avtobýs saǵatyna 20 shaqyrymnan astam jyldamdyqpen júrgen. Oqıǵaǵa avtobýstyń kólikti ótkizip jiberedi degen kompıýterdiń qate sheshimi sebepshi bolǵan.
Kompanııa bolǵan oqıǵaǵa jaýapty ekendikterin moıyndap, kompıýter qateligin boldyrmaý úshin júrgizýshiniń basqarýynsyz júretin kóliktiń baǵdarlamalyq qamtylymyn ózgertýge ýáde berdi.
Ózdiginen júre beretin kólikke Lexus RX450 avtomobıli paıdalanylǵan. Ony synaý Kalıfornııa shtatynda júrgizilýde.
