«Google» kompanııasy jańa «Android» júıesimen tanystyrdy
ASTANA. QazAqparat - Google kompanııasy Android operatsııalyq júıesiniń jańa nusqasyn tanystyrdy. Ol «Android M» dep atalady, dep jazady «VVS» agenttigi.
Tanystyrylym kezinde kompanııa ókili qurastyrýshylar operatsııalyq júıege júzdegen oń ózgeris engizgenin aıtty. Paıdalanýshylar aǵymdaǵy jyldyń úshinshi toqsanynda «Android M»-ge qol jetkize alady.
«Android» operatsııalyq júıesiniń birinshi nusqasy 2008 jyly shyqqan. Ol túrli mobıldi qurylǵylarda paıdalanylady. «Android»-tyń basty básekelesi - Apple-diń «iOS» baǵdarlamasy.
