Google kompanııasy men X Prize qory Aı betinde jarys uıymdastyrýǵa bel býdy
ASTANA. QazAqparat - Google kompanııasy men X Prize qory uıymdastyrǵan saıysqa ǵarysh apparattaryn qatystyryp, Jer seriginiń betinde 500 metr qashyqtyqta jarysady.
Keler jyl sońynda bolatyn bul básekede 1 amerıkalyq jáne 2 japondyq apparat «kúsh synasyp», onyń barysy Jer sharyna aıqyndylyǵy joǵary beınetaspaǵa túsirilip, taratylady, dep habarlaıdy 24.kz.
Amerıkalyq Andy jáne japondyq Moonraker men Tetris ǵaryshtyq apparattary Falcon 9 SpaceX raketasyna tıelip, 2016 jyly Aıǵa jetkiziledi. Olar Aı úńgirleriniń aýmaǵyndaǵy Ajal ózeniniń mańyna ornalastyrylady. Osy tasymaldy uıymdastyrýshy Astrobiotic kompanııasy saıysqa qatysýǵa nıet bildiretin ózge ǵarysh apparattaryn da jetkizýge daıyn. Tek jolǵa ketetin shyǵyn qunynyń jartysyn tólese bolǵany. Qomaqty júldeni jeńip alý úshin 3 shart qoıylǵan: Aı betine durys qona bilý, Jer seriginiń 500 metrin jyldamdyqpen júrip ótip, sol ýaqytta Jer sharyna aıqyndylyǵy joǵary beınetúsirilim taratý.
