Google kompanııasy Kalıfornııadaǵy 1800 qyzmetkerin jumystan shyǵarady

VAShINGTON. QazAqparat – Amerıkalyq Google transulttyq korporatsııasy Kalıfornııa shtatynda 1800-den astam jumys ornyn qysqartpaqshy, dep habarlaıdy QazAqparat CNBC agenttigine silteme jasap.

Alphabet holdıngine tıesili Google aqyryndap 12 myń qyzmetkerin qysqartatynyn habarlady, bul - onyń álemdegi qyzmetkerleriniń jalpy sanynyń shamamen 6 paıyzy.

Onyń Kalıfornııadaǵy 1845 laýazymy nemese 15% naýryz aıynda qysqarady.

Qyzmetkerlerdi qysqartýdyń basym bóligi AQSh-tyń Sılıkon alqabyndaǵy qalalarynda bolady: Maýntın-Vıýde - 1436 jumys orny, San-Brýnoda - 119 jáne Palo-Altoda - 53 jumys orny.

Zardap shekken jumysshylarǵa zaýyttyń jabylýy nemese jappaı jumystan bosatylýy týraly keminde 60 kún buryn jazbasha habarlama jiberýdi talap etetin jergilikti eńbek zańyna baılanysty qysqartý 31 naýryzda bastalady.

Jumys oryndaryn qysqartý kompanııa tabysynyń tómendeý qaýpinen týyndady, óıtkeni tehnologııa naryǵynda qyzmet qunynyń tómendegeni baıqalady.

Buǵan deıin shtab-páteri Sılıkon alqabynda ornalasqan Amazon, Facebook, Salesforce jáne Microsoft sııaqty tehnologııalyq kompanııalar jappaı jumystan bosatý týraly habarlaǵan bolatyn.

Foto: Tayfun Coskun/Anadolu Agency via Getty Images