Google kólemi alaqandaı ǵana Chromebit kompıýterin tanystyrdy
ASTANA. QazAqparat - Amerıkanyń Google korporatsııasy kompıýterdiń barlyq fýnktsııalaryn qamtıtyn Chromebit qurylǵysyn tanystyrdy.
Bul týraly RIA «Novostı» habarlady.
Qurylǵyny óndirýmen jáne satýmen ASUS kompanııasy aınalysatyn boldy. Satylymǵa bıyl jazda shyǵarý josparlanǵan.
«Kólemi jaǵynan shokolad batonyndaı ǵana bolatyn Chromebit qurylǵysy nebary 100 dollar turatyn bolady», - delingen habarlamada.
Ony paıdalaný úshin kez kelgen monıtorǵa qosý kerek. Smart teledıdar ekrany da bul úshin jaramdy.
