Google qyzmetkerler jaldaý barysynda ınklıýzıvtilikten bas tartpaq – BAQ

ASTANA. KAZINFORM – Mundaı sheshim jyl saıynǵy korporatıvtik saıasat qaıta qaralǵannan keıin qabyldandy, dep jazady VVS.

Google jańa qyzmetkerler jaldaý protsesinde ártúrlilik, teńdik jáne ınklıýzııa (DEI) saıasatynan bas tartqan AQSh-tyń taǵy bir kompanııasy boldy. Olar sonymen qatar osy saladaǵy basqa da bastamalaryn qaıta qarastyryp jatyr. 

– Biz barlyq qyzmetkerimiz tabysqa jetýge jáne teń múmkindikterge ıe bolatyn jumys ornyn qurýǵa daıynbyz, - dedi Google ókili.

2021 jyldan 2024 jylǵa deıin kompanııa DEI erejelerin jumysynyń ajyramas bóligine aınaldyrý mindettemesin aldy. Alaıda kompanııanyń sársenbi kúni jarııalaǵan sońǵy esebinde bul ereje múlde joq. 

Google ártúrlilik saıasatynyń baǵytyn ózgertken taǵy bir iri korporatsııa boldy. Meta, Amazon, Pepsi, McDonald’s, Walmart jáne basqalary buryn DEI baǵdarlamasynan bas tartqan. 

AQSh prezıdenti Donald Tramp jáne onyń jaqtastary DEI saıasatyn únemi synǵa alyp keledi. Eki apta buryn Aq úıge oralǵannan beri Tramp mundaı bastamalardy memlekettik organdardan alyp tastaýdy buıyrdy. 

Ótken aptada AQSh prezıdenti Vashıngtondaǵy ushaq apatyna DEI saıasaty sebep bolýy múmkin ekenin aıtty.