Google ınterneti baıaý elderge arnalǵan izdeý baǵdarlamasyn oılap tapty
Jańa baǵdarlamany jaqyn arada Úndistan da bastyryp alý múmkin bolady.
Android Police habarlaýynsha, Search Lite-tyń múmkindikteri Google-dyń negizgi baǵdarlamasymen birdeı: qoldanýshylar ınternetten mátin jáne daýys arqyly izdeı alady, shet tilderine aýdarma jasaý múmkindigi bar jáne jańalyqtar men aýa raıyn oqıdy.
Degenmen, Search Lite-tyń ádemi anımatsııa men vıdjetteri joq. Baǵdarlama qosylǵannan keıin qoldanýshylardyń aldynda tek «jalań» izdeý jolaǵy turady, al barlyq aqparat úı ekranyndaǵydaı jınaqtalǵan tor belgisheler túrinde beriledi. Mamyr aıynda I/O konferentsııasynda Google-dyń bas dırektory Sýndar Pıchaı Android-qa «kelesi mıllıard qoldanýshyny» tartý týraly aıtqan bolatyn. Bul strategııa ınternet pen smartfondy paıdalaný kórsetkishi tómen kedeı elderdiń qoldanýshylary arqyly júzege aspaq.
Osy jyldyń aqpan aıynda kompanııa YouTube-tyń oflaın nusqasyn shyǵardy. Ol júıeniń ádettegi Android baǵdarlamasynan ereksheligi vıdeo kóshirilmeıdi jáne jeli joq jerde kórsetilmeıdi. Sonymen qatar, Google Android-tyń basqalardan az paıdalanylatyn Android Go - laıt-nusqasyna jumys jasap jatyr.