Google ınternet taratýdy keńeıtý úshin 300 shar ushyrady
ASTANA. QazAqparat - Google korporatsııasy Jerdiń shalǵaı, jetý qıyn aýdandaryn joǵary jyldamdyqty ınternetpen qamtamasyz etý úshin gelıımen toltyrylǵan úsh júzge jýyq shardy (startostat) atmosfera qabatyna jiberedi, dep habarlady Bı-bı-sı.
Kompanııa kelesi jyly startostat arqyly jahandyq jelini qamtýǵa bolady dep sanaıdy. Bul kúlli álem boıynsha derekterdi berýge jáne óńdeýge múmkindik beredi.
Birinshi kezekte Google Indonezııanyń shalǵaı aýdandaryna ınternet taratýdy qamtamasyz etpek, bul elde 250 mln halyq bolsa, sonyń ishinde 42 mln adam ǵana ınternetke kire alady.
Sosyn, qabyldaýshy apparatýra synaǵyn Avstralııa, Jańa Zelandııa, AQSh, Brazılııa aýmaǵynda ótkizbek.
