Google-ǵa jumysqa alýyn ótingen jeti jasar qyz dırektordyń jaýabyn aldy
ASTANA. QazAqparat - Brıtandyq Hereford qalasynyń jeti jasar turǵyny Hloıa Brıdjýoter (Chloe Bridgewater) Google-diń bas dırektoryna hat jiberdi, onda ol ózin jumysqa alýyn ótingen.
Kompanııa basshysy oǵan jeke jaýap qaıtardy, dep habarlady Business Insider.
Qyz robottardy jaqsy kóretinin, júzýmen aınalysatynyn, ustazdary maqtaıtynyn, keleshekte korporatsııaǵa jumysqa turǵysy keletinin jazǵan.
Biraz ýaqyttan keıin oǵan Google bas dırektory Sýndar Pıchaıdan jaýap keldi. Ol Hloıaǵa hat jazǵany úshin alǵys bildirgen. «Saǵan kompıýter, robottar unaıtynyna qýanyshtymyn, tehnologııany zerdeleýdi jalǵastyra beresiń degen úmittemin», - dep jazdy Pıchaı. «Eger kúsh-jigerińmen eńbek etip, armanyńa umtylsań, Google-de ǵana jetistikke jetip qoımaı, Olımpıada oıyndaryn da eńseresiń»,- dep qosty ol.
«Mektepti aıaqtaǵannan keıin jumysqa qabyldaý týraly ótinishińdi alamyn dep úmittenemin!», - dep sózin túıindedi Pıchaı.
