Google Fınlıandııadan 27 mln eýroǵa jer satyp aldy

ASTANA. KAZINFORM – Google óziniń derekter ortalyǵyn keńeıtý úshin Fınlıandııadan 27 mıllıon eýro turatyn jer telimin satyp aldy. Bul týraly beısenbi kúni el úkimeti málimdedi, dep habarlaıdy Sınhýa aqparat agenttigi.

«Fınlıandııanyń orman sharýashylyǵy basqarmasy (Metsahallitus) negizgi derekterdi óńdeý ortalyǵy retinde qyzmet etetin soltústik-shyǵystaǵy Kaıaanı qalasy mańyndaǵy shamamen 1400 ga jerdi satýǵa ruqsat aldy. Mundaı aýqymdaǵy jer mámileleri Fınlıandııada sırek kezdesedi», - delingen úkimettiń baspasóz habarlamasynda.

Google Fınlıandııada derekter ortalyqtaryn 2011 jyldan beri basqaryp otyr. Kompanııanyń Hamına qalasyndaǵy kampýsynda qazirgi ýaqytta shamamen 400 shtattyq qyzmetker jumys istep jatyr», - delingen baspasóz habarlamasynda.

2009 jyly Google Helsınkıden shyǵysqa qaraı shamamen 145 km jerde ornalasqan Hamına qalasynda Fınlıandııadaǵy alǵashqy derekter ortalyǵyn saldy. Bıylǵy jyldyń mamyr aıynda amerıkalyq tehnologııalyq alpaýyt Hamınadaǵy kampýsty keńeıtý úshin 1 mlrd eýro kóleminde jańa ınvestıtsııa týraly jarııalady, bul aldaǵy eki jylda jańa jumys oryndaryn ashýy tıis, dep habarlady jergilikti BAQ.

Osyǵan deıin Hyundai, Kia jáne Genesis 208 myń elektr kóligin keri qaıtaryp jatqany týraly habarladyq.