Google ekstremıstik vıdeolardyń YouTube-te taratylýyna qarsy kúresti kúsheıtpek
ASTANA. QazAqparat - Alphabet holdıngine kiretin amerıkalyq Google kompanııasy YouTube ınternet-servısindegi ekstremıstik vıdeolardyń taratylýyna qarsy kúresti kúsheıtýde. Bul týraly jeksenbi kúni Maýntın-Vıýdaǵy kompanııanyń shtab-páterinde (Kalıfornııa shtaty) jarııalanǵan málimdemede aıtylǵan, dep habarlaıdy TASS.
Google kompanııasy málimdegendeı, korporatsııa jýyq arada terrorızm men basqa da ekstremıstik mazmundaǵy vıdeolardy avtomatty túrde anyqtap, ózi óshirip otyratyn quraldy jańartyp, onyń jumysyn jaqsartady. Sondaı-aq, kompanııa mundaı taspalardy izdep, olardy óshirip otyratyn qyzmetkerler sanyn arttyrýdy kózdep otyr.
Budan bólek, Google ınternettegi ekstremıstik materıaldardyń taratylýymen kúresin qoǵamdyq uıymdarmen yntymaqtastyqty jandandyrmaq nıette.
