Google budan bylaı qulaqqap arqyly sóılesken sózdi lezde aýdara alady
ASTANA. KAZINFORM — Google Android qurylǵylarynda naqty ýaqyttaǵy aýdıosóılesý aýdarmasyn iske qosty. Bul fýnktsııa «Google Aýdarmashy» qosymshasynda qulaqqap arqyly sóılesken kezde sózdi birden aýdaryp beredi. Mundaı múmkindik buǵan deıin iPhone-da bolǵan, dep jazdy 24 kg.
Qazir bul jańa fýnktsııa AQSh, Úndistan jáne Meksıkadaǵy keıbir Android qoldanýshylaryna ǵana qoljetimdi. Bul týraly TechCrunch jazdy.
Jańa tehnologııa adamnyń sózin ıntonatsııasy men sóıleý yrǵaǵyn saqtaı otyryp aýdarady. Sonyń arqasynda áńgime barysyn túsiný jáne kimniń sóılep jatqanyn ajyratý jeńildeıdi.
Fýnktsııa 70-ten astam tildi qoldaıdy jáne kez kelgen qulaqqappen jumys isteı beredi.
TechCrunch málimetinshe, bul múmkindik 2026 jyly iOS (iPhone) júıesine de qosylady jáne basqa elderge taratylady.
Sonymen qatar Google «Google Aýdarmashyǵa» Gemini jasandy ıntellekti negizindegi jańa quraldardy engizip jatyr. Olar mátin men sózdi tabıǵı ári dál aýdarýǵa kómektesedi, óıtkeni konteksti, slengti, turaqty tirkester men jergilikti sózderdi jaqsy túsinedi.
Budan bólek, til úırenýge arnalǵan bilim berý fýnktsııasy taǵy 20 elde, sonyń ishinde Germanııa men Úndistanda qoljetimdi boldy. Bul fýnktsııanyń synaq nusqasy 2025 jyldyń qazan aıynda alǵash ret tanystyrylǵan edi.
Jaqynda Google 2025 jyly eń kóp izdelgen suraqtardy ataǵan edi.