Google áýe sharlary arqyly ınternetke qosylý múmkindigin usynbaq
ASTANA. 15 maýsym. QazAqparat - Google kompanııasynda Project Loon jobasy aıasynda alǵashqy synaqtar bastaldy. Injenerlerdiń josparyna sáıkes, eger de synaq sátti ótken jaǵdaıda, onda ınternet aerostattar arqyly qoljetimdi bolmaq. Bul týraly sheteldik BAQ-tar habarlady.
Atap aıtqanda, bul shara ınternetke qosylýǵa qaýqarsyz álemniń túkpir-túkpirinde symsyz jelini qamtamasyz etý baǵytynda iske asyrylýda.
Senbi kúni Jańa Zelandııanyń Kraıstcherch qalasy mańynda áýege gel toltyrylǵan 30 shar ushyryldy. Osy oraıda Kraıstcherchtiń ár aýdandarynan synaq úshin iriktelingen 50 qatysýshy úılerinde ornatylǵan arnaıy antennalar arqyly ınternetke oıdaǵydaı qosylǵan eken.
Jaqynda bundaı synaqtar Avstralııa men Argentınada júrgizilmek.
