Google Apple qurylǵysynda izdeý júıesi bolý úshin 1 mlrd dollar tólegen
ASTANA. QazAqparat - Google 2014 jyly Apple-ge Aıfon smartfonynda óziniń izdeý júıesin basty retinde ornatý úshin 1 mlrd dollar tólegen. Google bul mámileni kúni búginge deıin qupııa ustap keldi, alaıda qarjy mólsheri sot otyrystarynyń birinde jarııa etilip ketti. Bul týraly reseılik RBK agenttigi habarlady.
Google kompanııasy 2014 jyly básekelesi Apple qurylǵysynda shartty izdeýshi bop qalý quqyǵy úshin 1 mlrd dollar tólegen, dep habarlady Bloomberg agenttigi. Bul soma Oracle Corp. kompanııasynyń avtorlyq quqyǵyn qorǵaý týraly aryzy boıynsha ótken sot otyrysynyń stenogrammasynda jarııalandy.
Google-diń izdeý júıesi úshin Apple kompanııasyna qomaqty qarjy tólegeni týraly qaýeset birneshe jyldan beri aıtylyp júr. Alaıda kompanııa muny qupııa ustap kelgen edi.
Sotta jarııa etilgen mámile týraly Apple jáne Google ókilderi jýrnalısterge túsinik berýden bas tartty.
