Google Android-tyń jańa nusqasyn tanystyrdy
ASTANA. QazAqparat - Google Android 8.0 Oreo dep atalatyn jańa baǵdarlamalyq júıeni resmı túrde tanystyrdy. Kompanııa blogynda aıtylǵandaı, «ol burynǵydan aqyldy, jyldam jáne qýatty». Bul týraly Lenta.rý habarlady.
Júıe «kartına ishindegi kartına» jáne avtotoltyrý sııaqty jańa fýnktsııalarmen tolyqtyrylǵan. Sonymen qatar, onyń jumys jyldamdyǵyn kóbeıtý, qýatty paıdalanýdy retteýge arnalǵan qorǵaý quraldary senimdirek bolady.
Google Android 8.0 baǵdarlamasyn osy jyldyń mamyr aıynda Google I/O konferentsııasynda aldyn ala tanystyrǵan bolatyn. Júıede baǵdarlamaǵa arnalǵan jańa shekteýler paıda boldy, olar fondyq rejımde jumys jasap, qurylǵynyń jumysyn jaqsartady.
Sonymen qatar, júıeniń dızaıny da sál ózgeriske ushyrap, belgishelerge arnalǵan habarlama kórsetetin beıdjder paıda boldy. Oreo - pecheneniń qurmetine qoıylǵan ataý. Ári qaraı dástúr retinde Android-tyń ár jańa nusqasyna táttilerdiń aty qoıylyp otyrady.
