Google+ áleýmettik jeli retinde ómir súrýin toqtatady

Qazirgi kezde Google buryn áleýmettik jelini damytýmen aınalysqan kadrlyq quramyn, sondaı-aq Hangouts jáne Photos servısterin qaıta qurýda, al bul myńnan astam qyzmetkerler degen sóz. Internet-korporatsııa aýmaǵynda qazirdiń ózinde jańa korpýs salyndy, onda áleýmettik jelini damytýǵa qatysyp júrgen komandanyń bir bóligi oryn tebedi. Sondaı-aq ózgerister aýqymynda Google+, Hangouts jáne Photos, servaısterin damytýmen aınalysatyn komandanyń jartysy Android bólimshesine aýysady.

Google+ komandasy bóliginiń korporatsııanyń utqyr bólimine aýysýy Google-diń utqyr sheshimder, «vıdjetter» jasaýǵa shoǵyrlandyrylǵanyn bildiredi, basshylyqtyń pikirinshe, bul óziniń áleýmettik jelisin jasaýmen salystyrǵanda kompanııa úshin tıimdirek bolmaq.

Google resmı ókili Vıka Gýndotranyń Google-den ketýi Google+ strategııasyna yqpal etpeıdi dep málimdedi. TechCranch aqparaty boıynsha Gýndotra Google-di bólek tuǵyrnama retinde saqtaýdy jaqtaǵan bolatyn.

Google Inc. - álemde tanymaldyǵy jóninen birinshi Google izdestirý júıesin ıelengen amerıkandyq ınternet-korporatsııa. 2014 jyldyń І toqsanynynyń qorytyndysy boıynsha korporatsııanyń taza tabysy 3,4 mlrd. dollardy qurady. Google+ áleýmettik jelisinde qazir 29 mln.-ǵa jýyq paıdalanýshy bar.

Google+ áleýmettik jelisi men ınternet-izdestirýshiden basqa kompanııa álemdegi eń tanymal YouTube vıdoeohostıngisin, Gmail poshta servısin ıelengen, sondaı-aq kompanııa uıaly qurylǵylary úshin OS Android jasaýshy bolyp tabylady. Google aktsııalary NASDAQ qor bırjasynda satylady.