Google álemdegi eń tartymdy jumys berýshi dep tanyldy
ASTANA. 19 qyrkúıek. QazAqparat - Google joǵary oqý oryndarynyń túlekteri úshn álemniń úzdik jumys berýshisi bolyp tanyldy. Buǵan Universum fırmasy júrgizgen zertteýler nátıjesi dálel. Google iskerlik jaǵynan da, ınjenerlik sanattan da ozyq shyqty, dep habarlady .
Bıznespen baılanysty mamandyqtarda oqyǵan túlekter úshin tartymdylyǵy jóninen kóshbasshylar úshtigine EY aýdıtory (burynǵy Ernst & Young) jáne Goldman Sachs ınvestıtsııalyq banki kirdi. Injenerlik mamandyqtar boıynsha joǵary oqý oryndaryn bitirgender arasynda ekinshi jáne úshinshi oryndarǵa tıisinshe Microsoft jáne IBM ıe boldy.
Bıznes sanatyndaǵy ondyqqa aýdıtorlyq kompanııalar kóbirek kirgen. «Úlken tórttiktiń» barlyq fırmalary - EY, KPMG, PricewaterhouseCoopers jáne Deloitte osy ondyq qatarynda. Olardan basqa onda Apple, Microsoft, Coca-Cola jáne Procter & Gamble ornalasqan.
Al ınjenerlik sanatta kóshbasshylar qatarynda Apple, BMW, Sony, General Electric, Siemens jáne Intel fırmalary bar.
Universum zertteýleri álemniń iri 12 joǵary oqý oryndarynyń stýdentteri saýaldamalarynyń negizinde jasalǵan. Olardyń ishinde AQSh, Qytaı, Japonııa, Germanııa, Brazılııa, Reseı, Ulybrıtanııa, Frantsııa, Italııa, Kanada jáne Avstralııa elderi bar. Fırma 200 myńǵa jýyq stýdenttermen saýaldama júrgizgen.
