Google Ádep jónindegi keńesti japty
NUR-SULTAN. QazAqparat - Google kompanııasynyń jasandy ıntellekt boıynsha qyzmetin baqylaý úshin qurylǵan táýelsiz Ádep jónindegi keńes nebári eki aptadan keıin qaıta jabyldy. VVS basylymynyń jazýynsha, bul, fırmalardyń osyndaı keńesterdi qurýy kerek pe degen máseleni qaıta kóterýge áser etip otyr.
«Google ókilderi Ádep jónindegi keńes kompanııa qalaǵandaı qyzmet ete almaǵanyn kórsetti», - dep jazady basylym.
«Kompanııa jasandy ıntellekt máselesinde barlyq jaýapkershilikti óz moınyna alýǵa daıyn. Bul taqyryptar boıynsha syrtqy pikirdi bilý joldaryn da tabatyn bolamyz», - deıdi kompanııa ókilderi.
Basylymnyń jazýynsha, Ádep jónindegi keńes Massachýsets tehnologııalyq ınstıtýtyndaǵy konferentsııada 2019 jyly tórt kezdesý ótkizýdi josparlaǵan bolatyn.
