Google 10 myń qyzmetkerin ekstremıstik kontentterdi baqylaýǵa tartpaq
ASTANA. QazAqparat - 2018 jyly Google-diń 10 myńnan asa qyzmetkeri YouTube arnasyndaǵy ekstremıstik baǵyttardaǵy kontentterdi baqylaý protsesine tartylatyn bolady, dep jazady VVS.
Vıdeoservıstiń basshysy Sıýzan Voıchıtskı Daily Telegraph gazetindegi óziniń paraqshasynda YouTube-tiń adamdardy basqarý, masqaralaý jáne agressııaǵa shaqyrý úshin jıi paıdalanylatyndyǵy týraly aıtty.
Onyń sózine qaraǵanda, Google kompanııasyna qarasty vıdeoservıs osy jyldyń maýsym aıynan bastap ekstremıstik baǵyttardaǵy vıdeolardy anyqtaý úshin mashınalyq oqý tehnologııasyn paıdalanýda. Atalǵan tehnologııanyń kómegimen saıttan jaǵymsyz 150 myń rolık joıylǵan.
Sondaı-aq, maýsym aıynan bastap 2 mln vıdeo tekserilgen.
