Gonsales Golovkın -Ýeıd shoýy kezinde aıqasqa shyǵady
ASTANA. QazAqparat - Jeńilip kórmegen nıkaragýalyq bokshy Roman Gonsales 23 sáýirde Golovkın-Ýeıd shoýynyń aıasynda rıngke shyǵady, dep jazdy Sports.kz.
Bul týraly Gonsales Managýada ótken baspasóz konferentsııasynda aıtty, dep habarlady notifight.com.
«Dál qazir kimmen judyryqtasatynym belgisiz. Biraq kelesi jekpe-jegim 23 sáýirde Los-Andjeleste ótedi. Men Hýan «Chýrrıtos» Ernandespen jekpe-jekke shyqqym keledi, sebebi onyń qısyndy qımyldary bar. Tartysty aıqas bolar edi. Qarsylasym kim bolatyny mańyzdy emes, men tıtýldy qorǵaýǵa jan-tánimmen daıyndalatyn bolamyn», - dep málimdedi boksshy.
