Gonkongtyń medıaalpaýyty Shaý I Fý óz úıinde kóz jumdy
ASTANA. 7 qańtar. QazAqparat - Búgin Gonkongtyń medıaalpaýyty Shaý I Fý óziniń Gonkongtaǵy úıinde 107 jasqa qaraǵan shaǵynda ómirden ozdy,
dep habarlaıdy RBK.
1907 jyly dúnıege kelgen ol Azııanyń iri Shaw Organisation medıakompanııasyn qurǵan. Shaw Brothers kınokompanııasy onyń eń iri bóligi bolyp tabylady. Olar Ońtústik Azııadaǵy alǵashqy fılmderdiń birin túsirip, álemdik kınematografııaǵa shyǵystyń jekpe-jek (kúres) ónerin engizdi. Djekı Chan óz mansabyn osyndaǵy stýdııalarda bastaǵan. 1967 jyly Shaý I Fý álemdegi iri telekompanııalardyń biri - TVB negizin qalaǵan.
Sonymen birge, medıaalpaýyt qaıyrymdylyq jáne metsenattyqpen aınalysqan. Óziniń búkil ǵumyrynda ol Gonkongtiń aýrýhanalary men ýnıversıtetterine birneshe ondaǵan mıllıard qarjy jumsaǵan.
2002 jyly ol halyqaralyq ǵylymı syıaqynyń negizin qalady. Ol astronomııa, matematıka jáne medıtsına salasyndaǵy jetistikter úshin beriledi. Al syıaqy retinde medal men 1 mln. dollar kóleminde aqsha beriledi. Oǵan «Azııanyń Nobel syılyǵy» degen ekinshi esim de berilgen.
