Gonkongte alǵash ret chıkýngýnıa bezgegi tirkeldi

ASTANA. KAZINFORM — Gonkongte chıkýngýnıa bezgeginiń jergilikti juqtyrý deregi alǵash ret anyqtaldy. Bul týraly qaladaǵy Densaýlyq saqtaý ortalyǵynyń basshysy Edvın Sıýı (Sıýı Tszıanchjýn) habarlady. Onyń aıtýynsha, naýqas anyqtalǵan aýdannyń shamamen 10 myń turǵyny vırýsty juqtyrýy múmkin. Bul týraly TASS agenttigi jazdy.

— Biz bul aýdandaǵy 20 turǵyn úıdiń barlyq turǵyndaryn tekserip jatyrmyz. Osy sharalardyń arqasynda aýrý juqtyrǵan jańa jaǵdaılardy anyqtap, aldaǵy bir-eki apta ishinde Gonkongtegi táýekel deńgeıin naqty baǵalaı alamyz dep úmittenemiz, — dedi ol RTHK telearnasyna bergen suhbatynda.

Sıýıdyń aıtýynsha, naýqas — 82 jastaǵy áıel, sońǵy aılarda Gonkong aýmaǵynan shyqpaǵan. Onyń qan úlgisi chıkýngýnıa vırýsy bar ekenin kórsetken.

Bıyldyń ózinde megapolıste 46 jaǵdaı tirkelgen, onyń biri ólimmen aıaqtalǵan — 77 jastaǵy er adam kóz jumǵan. Buǵan deıingi barlyq jaǵdaılar syrttan ákelingen, ıaǵnı vırýsty juqtyrǵandar materıktik Qytaı men Bangladeshten kelgen. Al bul jolǵy oqıǵa jergilikti juqtyrý bolǵandyqtan, qalada vırýsty taratýshy masalardyń paıda bolǵanyn bildiredi.

2006 jyldan 2019 jylǵa deıin Gonkongte chıkýngýnıa bezgeginiń jekelegen jaǵdaılary tirkelip otyrǵan, biraq olardyń barlyǵy ımporttalǵan dep tanylǵan edi.
BAQ málimetinshe, buǵan deıin qalada jergilikti juqtyrý faktileri resmı túrde tirkelmegen.

Buǵan deıin Qytaıdyń ońtústiginde 3 myńnan astam adam chıkýngýnıa vırýsyn juqtyrǵan bolatyn.