Gonkongte sońǵy 10 jylda bolmaǵan iri órt birneshe adamnyń ómirin qıyp ketti

NUR-SULTAN. QazAqparat – Gonkongte jeksenbi kúni turǵyn úılerdiń biri órtenip, jeti adam mert boldy, 17-si zardap shekti, dep habarlaıdy QazAqparat.

South China Morning Post basylymynyń jazýynsha, barlyq zardap shekkender aýrýhanaǵa jatqyzyldy. Olardyń birqataryna reanımatsııalyq kómek qajet bolǵan.

Órt sóndirýshiler oqıǵa ornyna kelgennen keıin nebári jarty saǵat ishinde tilsiz jaýdy aýyzdyqtady.

«Sınhýa» agenttigi óz kezeginde órttiń eki saǵat ishinde tolyqtaı sóndirilgendigin habarlady.

South China Morning Post gazeti munyń sońǵy 10 jyl ishinde Qytaıdyń arnaıy ákimshilik aýmaǵynda bolǵan eń iri órt ekendigin atap ótti.

Polıtsııa órttiń shyǵý sebep-saldaryn anyqtaý jumystaryn júrgizip jatyr.