Gonkongte «Dısneılend» keńselik ǵımarattarynyń birinen júzdegen adam evakýatsııalandy
ASTANA. QazAqparat - QHR arnaıy ákimshilik aýdany Gonkongte kúdikti zattan "Dısneılend" parkiniń júzdegen qyzmetkeri evakýatsııalandy, dep habarlady RIA Novostı Qytaıdyń ortalyq televıdenıesine (CCTV) silteme jasap.
South China Morning Post gazetiniń habarlaýynsha, parkke tıesili keńselik ǵımarattardyń birine kúdikti sálemdeme kelip, júzdegen qyzmetker evakýatsııalandy.
Sálemdemeni rentgen sáýlesi arqyly teksergende batareıa men symdar anyqtalyp, qyzmetkerler polıtsııaǵa habarlasqan. Qyzmettik ıt sálemdemeni tekserip, qaýipti zattyń bar ekenin rastaǵan.
Osylan keıin, basylymnyń jazýynsha, oqıǵa ornyna saperler keldi. Bul oqıǵa oıyn-saýyq parkiniń jumysyna esh kedergi keltirgen joq.
Jergilikti RTHK radıosynyń derekterine sáıkes, sálemdeme parktiń basqarýshy dırektoryna kelgen.
