Gonkongte álemdegi eń qymbat jer telimi satyldy
ASTANA. QazAqparat - Henderson Land Development kompanııasy Gonkongtyń ortalyǵynda álemdegi eń qymbat jer ýchaskesin satyp aldy.
South China Morning Post habarlaýynsha, úkimettik aýktsıonda $3 mlrd tóleýge týra kelgen. Jer telimine toǵyz developerlik kompanııa talasty.
Qorytyndysynda fırma jerdiń ár sharshy fýtyna (0,09 sharshy metr) $6460 tóledi. Eger esepter bolsa, ýchaskeniń ár sharshy metriniń baǵasy shamamen mıllıon dollardy qurap otyr.
Kompanııa satyp alǵan ýchaskege 2022 jylǵa qaraı bıik ofıstik ǵımarat turǵyzýdy josparlap otyr. Qazirgi ýaqytta onda bes qabatty kólik turaǵy ornalasqan.
Basylym rekordty mámile taıaý jerlerdegi kommertsııalyq jyljymaıtyn múlikterdiń baǵasyn 11 paıyzǵa kóterip jibergendigin atap ótti.
