Gonkongte 45 kúnde alǵash ret koronavırýs juqtyrýshy tirkelgen joq
GONKONG. QazAqparat – Gonkongtiń densaýlyq qorǵaý ortalyǵy dúısenbi kúni Gonkongte 45 kúnnen beri alǵash ret COVID-19 juqtyrý jaǵdaıy tirkelmegenin málim etti. Gonkongte koronavırýs juqtyrǵandar sany burynǵy deńgeıde qalyp otyr – 1 025 adam, dep habarlaıdy QazAqparat Xinhuanet-ke silteme jasap.
Gonkongtiń densaýlyq saqtaý mınıstrligi dúısenbi kúni COVID-19 boıynsha kún saıynǵy baspasóz brıfıngisin ótkizbeý týraly sheshim qabyldaǵany habarlandy.
Soǵan qaramastan Densaýlyq qorǵaý ortalyǵy koronavırýs juqtyrý qaýpin azaıtý úshin áleýmettik qashyqtyq sharalar saqtaýǵa shaqyrýda.
Gonkongte epıdemııalyq jaǵdaı burynǵysha turaqsyz jáne boljaýǵa kelmeıdi, sondyqtan qoǵam abaı bolýy qajet ekeni atalyp ótilgen.
Gonkong aýrýhana basqarmasynyń málimetinshe, COVID-19 dıagnozy qoıylǵan tórt naýqas qaıtys bolǵan. Aýrý juqtyrǵan jáne sondaı kúdik týdyrǵan 630 naýqas aýrýhanadan emdelip shyqqan.
