Gonkongtan Astana men Almatyǵa reıster ashylýy múmkin
ASTANA. KAZINFORM — Memleket basshysynyń halyqaralyq áýe habtaryn damytý jáne ishki áýejaılar arqyly júk tasymaldaý kólemin ulǵaıtý jónindegi tapsyrmasyn iske asyrý aıasynda Kólik vıtse-mınıstri Talǵat Lastaev bastaǵan qazaqstandyq delegatsııa Gonkong halyqaralyq áýejaıynda boldy. Bul týraly Kólik mınıstrligi málim etti.
Gonkong halyqaralyq áýejaıy 14 jyl qatarynan júk kólemi boıynsha álemde birinshi orynda tur. 2024 jyly áýejaıdyń júk aınalymy 4,9 mln tonnany qurady.
— Sapar barysynda Gonkong kólik-logıstıkalyq bıýrosy dırektorynyń orynbasary Kelvın Mamen jáne Gonkong áýejaıynyń bas dırektory Vıven Chengpen, sondaı-aq aımaqtyń jetekshi áýe kompanııalary qataryna jatatyn Hong Kong Airlines, Cathay Pacific jáne Hong Kong Air Cargo basshylarymen kezdesýler ótti, — dep habarlady vedomstvodan.
Kelissózder barysynda Gonkong áýe kompanııalarynyń 5-shi áýe erkindigin paıdalana otyryp, Almaty men Astanaǵa jolaýshylar reısin ashý jáne Qazaqstan men Gonkong arasyndaǵy júk áýe tasymaldaryn arttyrý josparlary talqylandy.
Buǵan deıin habarlanǵandaı, Shymkent – Seýl baǵytynda jańa áýe reısi ashylady.