Gonkongtaǵy turǵyn úı keshenindegi órtten qaza tapqandar sany 94-ke jetti
ASTANA. KAZINFORM — Alapat órt saldarynan Gonkongtaǵy turǵyn úı kesheninde qaza tapqandar sany 94-ke jetti dep habarlady, Sınhýa agenttigi.
Órt sóndirý qyzmettiń málimetinshe, kópshilik máıitter órt asa qatty bolǵan jeti ǵımarattyń ekeýinen tabylǵan. Zardap shekkenderdiń sany da artty jáne 155 adamǵa jetti. Buǵan deıin shamamen 100 adamnyń zardap shekkeni habarlanǵan edi.
Jaraqat alǵandar arasynda 11 órt sóndirýshi de bar.
Eske sala ketsek, 26 qarasha kúni Qytaıdyń Gonkong arnaıy ákimshilik aımaǵynda Taıpoý aýdanyndaǵy turǵyn úı alabynda órt bolǵanyn jazdyq. Artynsha turǵyn úı keshenindegi órt basqa ǵımarattarǵa tarady.
Sondaı-aq turǵyn úı kesheninde bolǵan órtten kem degende 36 adam qaza taýyp, 270-ten astam adam habar-osharsyz ketkenin jazdyq.
Atalǵan oqıǵa boıynsha úsh qurylysshy qamaýǵa alyndy. Apatty órttiń sebebi retinde bambýktan jasalǵan qurylysqa tastalǵan temekiden bolýy múmkin degen boljam jasaldy.