Gonkongtaǵy órtten qaza tapqandar sany 83-ke jetti
ASTANA. KAZINFORM – Gonkongtaǵy turǵyn úı kesheninde bolǵan órtten qaza tapqandar sany artty, dep habarlaıdy TASS.
South China Morning Post basylymynyń málimetinshe, Gonkongtaǵy turǵyn úı keshenindegi órt saldarynan qaza tapqandar sany 83-ke jetken.
Buǵan deıin Gonkongtaǵy turǵyn úı kesheninde iri órt shyqqany habarlanǵan edi. Janyp ketken órt bambýktan jasalǵan qurylys qańqalaryn (qurastyrylǵan ýaqytsha ornatylatyn saty-tirekterdi) sharpyǵan. Olar ǵımarattarǵa jóndeý júrgizý úshin qoıylǵan. Keshende shamamen eki myńǵa jýyq páter bar, onda tórt myńǵa jýyq adam turady. Alǵashqy derekter boıynsha qaza tapqandar sany 44-ke jetken. Órtke eń joǵarǵy deńgeı berilgen.
Eske salsaq, QHR tóraǵasy Sı Tszınpın órt saldarynan qaza tapqan jáne zardap shekkenderdiń otbasylaryna kóńil aıtqan edi.
Sonymen qatar, Qasym-Jomart Toqaev ta Gonkongtaǵy órtke baılanysty Sı Tszınpınge kóńil aıtty.
Aıta ketelik Gonkong polıtsııasy ǵımarattardy jóndeýmen aınalysqan qurylys kompanııasynyń eki jetekshisi men bir keńesshisin abaısyzda kisi óltirý aıybymen qamaýǵa aldy.
