Gonkongtaǵy Gucci jáne Bvlgari parfıýmerııalarynan allergender tabyldy

ASTANA. KAZINFORM – Gonkong tutynýshylardyń quqyqtaryn qorǵaý organy birqatar sándi parfıýmerııada, onyń ishinde Gucci jáne Bvlgari hosh ıisteriniń quramynda allergender deńgeıiniń joǵarylaǵanyn anyqtady, dep habarlaıdy Kazinform SCMP-ke silteme jasap.

Synaq nátıjelerine sáıkes, anyqtalǵan komponentter ekzemaǵa jáne basqa dermatologııalyq máselelerge beıim adamdardyń teri jaǵdaıyn nasharlatýy múmkin. 

Mamandar ártúrli brendterdiń 40 parfıýmerııasyn synaqtan ótkizgen. Onyń úsheýinde allergenderdiń 10 túri bar ekeni anyqtaldy. 

Synaqtan ótken eń qymbat ónim Gucci kompanııasynyń The Alchemist's Garden Tears from the Moon Eau de Parfum boldy. 100 ml bótelkeniń quny – 2 850 honkong dollary (shamamen 365 dollar). 

Sondaı-aq Bvlgari Parfums kompanııasynyń Allegra Passeggiata hosh ıisinen on yqtımal allergendi ıngredıent tabyldy. Onyń bir bótelkesi – ​​2 260 HK$. Bul tizimge sonymen qatar 997 honkong dollaryna satylatyn Acqua di Parma Colonia Eau de Cologne kirdi. 

Joǵaryda aıtylǵandaı, allergenderdiń bolýy avtomatty túrde barlyq tutynýshy úshin qaýipti degendi bildirmeıdi. Degenmen, terisi sezimtal jáne sozylmaly teri aýrýlary bar adamdarǵa satyp almas buryn ónimniń ıngredıentterin muqııat oqyp shyǵý usynylady. 

Buǵan deıin Gonkongta 330 myń dollarlyq tonaý isi boıynsha 6 adam qamaýǵa alynǵanyn jazǵan edik.