Gonkongta júk ushaǵy ushý-qoný jolaǵynan shyǵyp ketip, eki adam qaza tapty

ASTANA. KAZINFORM — Polıtsııa Emirates júk ushaǵy Gonkong halyqaralyq áýejaıyna qoný kezinde kólikke soqtyǵysqan dep habarlady. Soltústik ushý-qoný jolaǵy ýaqytsha jabyldy. Bul týraly SCMP agenttigi jarııalady.

Polıtsııanyń habarlaýynsha, dúısenbi kúni tańerteń Gonkong halyqaralyq áýejaıynyń soltústik ushyp-qoný jolaǵynan shyǵyp ketken júk ushaǵy kólikpen soqtyǵysyp, teńizge qulaǵan. Oqys oqıǵa kezinde eki adam qaza tapty.

Dýbaıdan shyqqan Emirates EK9788 reısi shamamen tańǵy saǵat 3:50–de qoný kezinde ushý-qoný jolaǵynan shyǵyp ketken. Boeing 747 júk ushaǵy der kezinde toqtaı almaı qalǵan. 

Bastapqyda kóliktegi eki er adam iz-túzsiz joǵalyp ketken. Keıin 30 jastaǵy er adamnyń qaıtys bolǵany, ekinshisi, 41 jastaǵy azamat Soltústik Lantaý aýrýhanasyna jetkizilgeni habarlandy. Alaıda, ol da Gankong ýaqytymen tańǵy saǵat 6:26–da qaıtys boldy.

Ushaqtaǵy 4 ekıpaj múshesi de zardap shekken joq. Oqıǵa saldarynan áýejaıdyń soltústik ushyp-qoný jolaǵy ýaqytsha jabyldy.

Biraz ýaqyt buryn Úndistandaǵy ushaq apaty týraly jazǵan bolatynbyz.