Gonkongta jańa týǵan sábıdiń ishinde egiz bala bary anyqtaldy
ASTANA. QazAqparat - Gonkongta jańa týǵan qyz eki baýyryna aıaǵy aýyr bolǵan. Óte sırek kezdesetin bul jaǵdaı jaıly Live Science habarlady, dep jazdy lenta.ru.
Uryq ishindegi uryq ortasha alǵanda jarty mıllıon júkti áıelde kezdesýi múmkin. Onyń sebepteri dárigerler men ǵalymdar arasynda daý týdyrýda. Dúnıejúzilik densaýlyq uıymy jańa týǵan sábı ishindegi uryqty teratoma (isiktiń túri) dep esepteıdi, biraq Gonkong dárigerleri naýqastyń aǵzasynda egizderdiń eki uryǵy tabylǵanyn aıtady. Olar bastapqyda saý bolǵan, alaıda júktilik kezinde belgisiz bir sebeptermen ápkeleriniń denesine engen. Jańa týǵan qyz gınekolog-dárigerlerdiń qatań baqylaýyna alyndy. Úsh aptalyq qyzǵa ota jasalyp, baýyr men búıregi arasynda eki uryq anyqtaldy. Bireýiniń salmaǵy 9,3 gramm, ekinshisiniki - 14,2 gramm bolǵan. Zamanaýı medıtsına tarıhynda uryq ishindegi uryqtyń 200 oqıǵasy tirkelgen.
