Gonkongta toǵyzqumalaq oıynynyń kórsetilimi ótti
NUR-SULTAN. QazAqparat - Gonkong qalasynda «Orta Azııa ortalyǵynyń» uıymdastyrýmen qazaqtyń ulttyq oıyny - toǵyzqumalaqtan birneshe semınar jəne halyqaralyq jarys ótkizildi, dep habarlaıdy QazAqparat tilshisi.
Shara Gonkong qalasynda «Orta Azııa Ortalyǵynyń» uıymdastyrýmen Orta Azııa kúnderi aıasynda ótti. Bul týraly QazAqparat tilshisine Dúnıejúzilik Toǵyzqumalaq federatsııasynyń bas hatshysy Maqsat Shotaev aıtyp berdi.
«Bul kólemdi is-shara barysynda toǵyzqumalaq 200-ge jýyq talapkerge tanystyrylyp, úıretý jəne sheberlik sabaqtary ótkizildi. Eń aldymen, 28 naýryz kúni Gonkong Tehnıkalyq ýnıversıtetiniń ǵımaratynda birneshe eriktilermen kezdesý ótkizilip, toǵyzqumalaq oıynynyń nasıhattalýyna yqpal jasaldy. Orta Azııa ortalyǵyndaǵy eriktiler toby birneshe ulttan qurylǵan, yntymaǵy jarasqan, belsendi uıym. Olardyń arasynda qazaq, túrik, tájik, Gonkong jáne Sıngapýr jastary bar», - dep atap ótti M. Shotaev.
Sonymen qatar atalǵan sharada əlem chempıondary Əsel Dalıeva men Serik Aqtaev jergilikti turǵyndarǵa sheberlik sabaqtaryn ótkizgen.
«29-31 naýryz aralyǵynda Gonkongtyń eń úzdik mektepterinen jınalǵan zerek oqýshylarǵa toǵyzqumalaqty tanystyrý sharalary «Oasis» ortalyǵynda jasaldy. 200-ge jýyq belsendi jastar qazaqtyń oıynymen tanysyp, əlem chempıondary Əsel Dalıeva men Serik Aqtaevtan sheberlik sabaqtaryn aldy. Olardyń arasynan iriktelgen jastar halyqaralyq jarysqa qatysty. Gonkong-2019 jarysyna Qazaqstan, Sıngapýr jáne Gonkongtan tańdaýly 12 oıynshy qatysty», - dedi M.Shotaev.
Jarys shveıtsar júıesimen ótip, 5 týrda jeńimpazdar anyqtaldy. Nátıjesinde, bas júlde Serik Aqtaevqa, 2-oryn QRESSSh Əsel Dalıevaǵa, al 3- oryn, gonkongtyq ıAng Iengke (Yang Jeng) buıyrdy.
Jeńimpazdar men júldegerler arnaıy syılyqtarmen jəne dıplomdarmen marapattaldy. Іs-sharaǵa qatysýshylar toǵyzqumalaq oıynynyń óte paıdaly ekendigine kóz jetkizdi.
