Gonkongta tıbettik dinı kóne orama qaǵaz rekordtyq 45 mln dollarǵa satyldy
ASTANA. QazAqparat - Gonkongta ótken bássaýdada 15-ǵasyrdyń bas kezindegi tıbettik dinı kóne orama qaǵaz rekordty baǵa - 45 mıllıonnan astam baǵaǵa satyldy.
Ol osyǵan deıingi bássaýdada satylǵan qytaı óneriniń eń qymbat týyndysy. Bul týraly bássaýda úıiniń ókilderi habarlady.
Atalǵan lot boıynsha onyń quny shamamen 10 mln. dollardy qurady. Bássaýda sársenbi kúni ótkizildi jáne jıyrma mınýttan astam ýaqytqa jalǵasty. Nátıjesinde kólemi 335/213 sm bolatyn jibek matadaǵy tıbet ıkonografıkalyq kórkem sýreti tanymal qytaı kollektsıoneri Lıý Itsıanıý satyp aldy. Ol óz ıeligine ótken jádigerdiń jaqynda Shanhaıda ashylǵan jeke menshigindegi murajaıynyń mańyzdy eksponatyna aınalatynyn habarlady.
Mamandardyń baǵalaýynsha, búgingi kúnge deıin tek úsh dinı kóne orama qaǵaz ǵana jetken. Qalǵan ekeýi Lhastaǵy Djokang tıbet monastyrynda saqtalýda.
