Gonkongta eki avtobýs soqtyǵysyp, 77 adam zardap shekti
GONKONG. Sınhýa – QazAqparat – Gonkongtaǵy Taı Lam týneline jaqyn mańda qos eki qabatty avtobýs soqtyǵysyp, 77 adam zardap shekti, dep habarlaıdy «QazAqparat» HAA tilshisi Sınhýa agenttigine silteme jasap.
Gonkong Arnaıy ákimshilik aýdany úkimetiniń aqparattyq qyzmetter departamentiniń málimetinshe, jergilikti ýaqyt boıynsha tańǵy saǵat 8:30 shamasynda Gonkong órt sóndirý kúzeti departamentine Jańa aýmaqtardaǵy (Gonkongtyń arnaıy ákimshilik aýdandarynyń úsheýiniń biri) basty kólik túnelinde eki avtobýstyń soqtyǵysqany týraly habar kelip túsken. Jol-kólik oqıǵasy saldarynan 77 adam jaraqat aldy.
Belgili bolǵandaı, zardap shekkenderdiń kópshiligi jeńil jaraqat alyp, ártúrli aýrýhanalarǵa jetkizilgen.
Jergilikti BAQ-tyń habarlaýynsha, avtobýstardyń biriniń keıbir jolaýshylarynyń sózinen belgili bolǵandaı, jol apaty kezinde kólik ruqsat etilgen jyldamdyqpen kele jatqan.
Almas Jeksenbekov
